بوتون آذربایجاندا بایرامین خبرچیسی دؤرد چرشمبهدن سونونجوسو، تورپاق چرشمبهسی بؤیوک جوشغویلا قید اولوندو. آذربایجاندا نووروز هیجانی، تخمینا ۱ آی اونجه باشلادی. اونجه سو، سونرا سیراسییلا اود و یئل چرشمبهلری قید اولوندو. ایندی ایسه یئنی ایلین خبرچیسی، سون چرشمبه یعنی تورپاق چرشمبهسی ... اینانیشا گؤره سو، آتش و کولک بیرلیکده تورپاغی جانلاندیریر. اؤلکهده هر ایل سون چرشمبه بایرام هاواسیندا قوتلانیر.
اودلار یاندیریلدی، هاوایی فیشکلرله گؤی اوزو رنگارنگ اولدو. جوشغو سونا چاتدی ...
سون چرشمبهنی فورصت بیلن آذربایجانلیلار گؤنوللرینجه اگلندی. گلهنکلر بیر دفعه داها یئرینه گتیریلدی. ائو ائو گزن اوشاقلار قاپی اؤنلرینه پاپاق بوراخیب قارشیلیغیندا هدیه آلدی. بوغدالار گؤیرتیلدی، سوفرالاردا سونولدو.
:
سون چرشنبه
عباس حسین پور 1345 اینجی گونش ایلینده میاندوآب شهرینده آنادان اولدو. او اورتا اوخول ایسه بوشهرده باشا چاتدیریب و 25 یاشیندان غربی آذربایجان و سونرادا شرقی آذربایجانین قازئته لرینده طنز عرصه سینده چالیشیقینی باشلادی و 10 ایله ده قدردیرکی شئعر یازماقیدا باشلاییب.
آشاقیدا بیر شئعر بویازیچی و شاعیردن نظرینیزدن گئچه جک.
عباس حسین پور بوندان قاباق «صدای ارومیه»،«خوی»،«آذراندیش»،«ندای آذربایجان»،«شمس»،«حیدربابا»،«احرار»،«نوید آذربایجان» و چوخلو قازئته لرده چالیشیب و ایللربویودیرکی تبریزین «انجمن روزنامه نگاران» عضوی دیر.
بوشئعر 1384 اینجی ایلده یازیلیب و اوستاد «یحیی شیدا» جنابلارینا ایتحاف اولونوب.
«سرداده» تخلص عنوانیدیر.
تورکم
تورکم نه دئسن آز اولار آزاده لیگیمده ن
ائللرده دوشوب سس یئنه دیلداده لیگیمده ن
بیرگوزگویه بنظر اوره گیم ساده یم امما
هرنه چکیره م من چکیره م ساده لیگیمده ن
حرییتیمین درسینه بابک اولوب اوستاد
باشیم اوجادیر بیرده کی اؤفتاده لیگیمده ن
«شیدا» بیزیم ائللرده نه چوخ باقرو ستار
دوشمان چکینیر هرزمان آماده لیگیمده ن
تورک ائللرینین ایندی اؤمیدی بیزیک آنجاق
قوی درس آلا دونیاهامی «سرداده» لیگیمده ن
---------------------------------------------------------------------------------------------------------
گوزگو:آينا
|
بهمن وحدتی سایتیندا اوزونو بئله تانیدر :
آدیم ......بهمن ....صوی آدیم.......وحدتی ( آتا مین آدی بابا (حاج بابا ) دیر . گئچمیشده ن بولان سولان تجربه لر توپلایان بیریه م .1333 ئونجی ایلده اورومیه ده انادان اولموشام .همین شهرده باشا بویا چاتیب واورتا تحصیلاتیمی بیتیرمیشه م .تبریزین آذر ابادگان دانشگاهیندا تحصیلمه دوام ائدیب صونرا معلم اولدوم ائللر بویو چئشتلی درگی لر.گازه ته لر ورادیو وتلویزیون وئرگی لرینده اشتراک ائتمیشم .... سایت شخصی بهمن وحدتی
آشاقیدا بیر شئعر بویازیچی و شاعیردن نظرینیزدن گئچه جک.
شانلی وطن!
یایلیم لاردا آستا آستا یایاق گزه ن خان چوبان
قویون لارین اغ قیمیزین ایرماق سوزه ن خان چوبان
پوسقو یاتان چئویک قوردون باغرین اوزه ن خان چوبان
گل سارانی آرپا چائی قاپدی گل
موغان بیگی ظولم آتی نی چاپدی گل
قاچاق گزه ن اورمانلاری. قافلان بوغان خان نبی
اوتگون قلینج چال قاراقوش ! سیمیز توغان خان نبی
چک بوز اتین باش چیلبیرین آل یاراغان خان نبی
هجر خانیم قان ساواشا قالدی گل
گدئیک لری قاغان بوغا آلدی گل
هایقیر سالان قان قوسدوران بیگ خانلارا کور اوغلی
حمزه بیگی بویاندیران آل قانلارا کور اوغلی
مین قیر آتا چاپ چائیرا یابان لارا کور اوغلی
چنلی بئلی چائیل تیکان اورتدی کل
نگار خانیم قان بوغازا اوتدی گل
ستار خانا . آینا توفنگ قاققیللادان دان اوغلی
بو غونتیا کسگین قلینج تورک ائلیمین خان اوغلی
وطن آنا ! هلبت دئیه جان هاینا جان اوغلی
گل وطنه دوشمان ایاق باسدی گل
دار قورائیب ایگیت لری آسدی گل
جان وطنیم! ایلک بئشیگیم .یوردوم یووام شان وطن
دنیز لری آل بویاقلی!کئچیت لری قان وطن
سن اوجادان اوغول باغیر!من هارائیم جان وطن
گل جان انا (( باهار )) گوزه دوندی گل
ایلک گونشی گنج ایشیقی سوندی گل
بهمن وحدتی (باهار) ..اورومیه
( ایضاح )
بو شعرین بیر چوخ لغت لرینین چتین ویا اونودولموش بیر لغت لری اولدوغونا گوره اشاقیدا بعضی لغت لرینین معناسینیدا یازدیم .
یایلیم > اوتلی یئر
یایا ق > ایاق یالین
قیمیز > سود ( ده وه سودونه ده دئیلیر)
ائرماق > بولاغ
پوسقو > کمین
چئویک > زیرنگ
اورمان > جنگل
قافلان > پلنگ
اوتگون > که سه رلی چال
قارا قوش > قارتا ل. عوقاب قوشی
سیمیز > کوخا
توغان > شکار قوشی ( شاهین )
چیلبیر > آتین بویوندوروغی ( افسار )
یاراغان > گدیک ( گرده نه )
هایقیر > اوجا سس
بوغونتی > خفقان کئچیت .
یول باغیر > اوجا
سسله گوز > پائیز
گنج > جاوان |
قارا باغ لار، قارا باغلار
يئنه اورگيم يارا باغلار
خوجالي دا آخان قان
منيم قلبيمي داغلار
فرانسادان خوجالي يا گلن بير قازئته چي اوز گوردوكلريني بئله يازير : نازي لر و هيتلرچي لرين جنايتلريني چوخلو كتابلاردا اوخويوب و ياخود ائشيتميشديم آما خوجالي دا ارمني لر ياپان جنايتلري گوردوكدن سونرا اينانديم كي نازي لردن وحشي سي ، يئر اوزونده هله ده ياشايير،اونلار ۵ - ۶ ياشيندا اوشاقلاري دهشتلي شكيلده اولدورموشلر.
بير ارمني قازئته چي ده اوز گوردوكلريني بئله يازير: اونلار (ارمني اوردوسو) جسدلري بير يئره توپلاییردیلار ، اونلارين ايچينده ۱۵-۱۶ ياشيندا بير قيزي گوردوم ، جسمينين يارالانان يئريندن بلليي دير كي اولمويوب ، قان بدنيندن آخيردي ، رنگي سارالميشدي ، گوزلري اولومه دوغرو باخيردي، اونودا جسدلر اوستونه آتديلار ، بينزيني سپيب و جسدلره اودلادیلار ، اود ياناركن او قيزين سيزيلتي سسي گليردي ، اونلار يئنه ده ساواشا گئتديلر و من جسدلرين دهشتجه يانماسينا باخيرديم.
:
خوجالي,
سويقيريم
آذربايجان كولتورونده نوروزدان اونجه كي دورد چرشنبه قوتسال ساييلماك تادير، دونن او چرشنبه لرين ايلك چرشنبه سيدي. بو چرشنبه لر ايلين سون چرشنبه لري دئيلير.
ايلك چرشنبه سو چرشنبه سي دير، ايكينجي سي اود ، اوچونجو سو تورپاق و دوردونجو سو يئل چرشنبه سي دئمكدير.
اما چرشنبه لره بو آدلاري وئرمك ندن آسيليدير؟ آتا بابالاريميزدان قالان سوزلردن بئله بللي اولور كي ايلك چرشنبه ده سولار نئچه آي دوندورمادان سونرا ، اريييب و سو اولماك دادير. قيشين او سويوك گونلرينده ، اود وايستي نين نه حيدتده ديرلي و ارزشلي اولماسي آيدين دير، ايكينجي چرشنبه دن بري اود و ايستي كيسمه نين خوشونا گئتمير، اوچونجو چرشنبه دن تورپراق يئني دن حياتا دونور و بوزلانميش شكيلدن آچيلير و يئر كوره سينيه ياشايش وئرير. اما سون چرشنبه ده يئلين اسمه سي داغلارين قاريني اريديب و آغاجلاري قيشين او درين يوخوسوندان اويادير.
آذربايجان دا گونشي ايلين آخير آيينين باشلانيشيندان بايرام حاضيرليغينا باشلاييرلار ،ايلك چرشنبه يه قدر بويوك تميزليك لر آياريلير،ايكينجي چرشنبه يه قدر اكين حاضيرليقلاري باشا چاتير، ائولرده ذخيره اولان بوغدا و آرپا توربا لاري آچيلير و يوخسوللارا يارديم اولونور، اوچونجو چرشنبه يه قدر شنليك لر سرگيله نير و سونونجو چرشنبه ده اوتلار قالانير ، باجالاردان شال ساللانير ، شيرنيجات پايلانيلير و خلق نوروز بايرامينين گلمه سينه بويوك حاضيرليق ائدير.
چرشنبه لرينيز موتلو اولسون
:
سون چرشنبه,
سو,
يئل,
ت ورپاق,
اود
آنامين بطنينده اولار كن، من دويدوم اونو
دونيايا گوز آچديغيم آن، ائشيتديم اونو
اوچ دورد ياشيمدايديم، آنلاديم اونو
اما
يئددي ياشيما يئتركن ، من آتديم اونو
باغلانديم باشقاسينا ، اونوتدوم اونو.
سونرالار بيلديم كي
من سهو يولدايام
اونو آتان اينسان ، هر شيئين آتار
وطني ، اولكه ني ، آناسين آتار
قاييتديم اوزومه ، اوز كيمليگيمه
اونو اويره نديكجه ، سئوديم ، سئويلديم
عزيزلديم اونو بير آنا كيمي
او منيم آنامدي
آنا ديليمدي .
:
آنا دیلی گونو
اينسانلارين حاياتيندان چوخلو حيكايه جيكلر يارانيب ، بو حيكايه لر فرقلي بير معنالار تاشييير ، بعضي لري گولومسه و بعضي لري بير اورنك كيمي دير و اونلاردان يارارلانماق بيزي حيات يولوندا آتديغيميز آدديملاري ايشيغلانديراجاك.
آشاغيدا گلن حيكايه ايلك باخيشدا بير گولومسه حيكايه دير آما اونا درين فيكيرلشمه اينسانلارين نه حيدتده ساده اولماسي و ساده باخيشيني گوسترير كه 100 فاييز بيزيم چوخوموزدا بير پارا مسائيلده بئله ييك آما اوزوموزو چوخ فيكيرلي تانيييريك.
حيكايه بودور:
نئچه ايل اونجه ، بير قوجا كيشي قاريسيله بيرليكده بير كندده ياشاييرديلار ، قاري، كيشي يه دئير : آي كيشي نئچه گوندور كه ات يئمه ميشيك ، شهره گئديب ات آلسان چوخ ياخشي اولار. كيشي سوزو ائشيدركن يولا چيخيب شهره دوغرو يوللاندي . شهره يئتيشنده گون اورتا اذاني سسلنيردي ، تلسه تلسه اوزونو شهرين تك بير قصابي سينين قاباغينا چاتديريب ، نفس وورا وورا دئدي : آي ممي كييشي منه ده بير كيلو ات وئرده!
ممي كيشي باشيني اونا دوغرو دونده ريب دئدي: آي اسماعيل عمي چوخ گئج يئتيريبسن منيم يالنيز كئچينين كلله سي و دورد پاچاسي قاليب ايسترسن وئره رم.
قوجا كيشي كي الي بوش قاييتماك ايسته ميردي چاره سيزجه اونلاري آليب يولا دوشدو.
كنده بير آز قالميش بير درين چاي آخيردي، قوجا كلله ني بير قولتوغ آلتيندا و دورد پاچاني اوبيري قولتوغ التينا آليب سويو دوشدو ، چايدان كئچركن آياقينين آلتيندان بير داش زوودي و كله قوجانين قولتوغوندان سويا آيريلدي.
قوجا تلسيكله سودان چيخيب بير دسته اوت علف چايين قيراغيندان قوپاريب ، كله يه طرف توتوب دئدي: دودوووو....
اوز عاغليجا ايستيردي كله اوتو گوره ركن ، اونا طرف گلسين . سونرا اوزويله فيكيرلشدي بيچاره كئچينين قيچلاري يوخدور كي ، اوزوب و اوتا طرف گلسين. پاچالاري دا چايا آتدي ،
گئنه ده دئدي : دووو ..... اما گئنه ده كئچي اوتا طرف گلمدي . قوجا كيشي سويون قيراغيندان دوراركن دئدي ، آي يازيق كئچي چايدا بوغولدو، اونا گوره ده گله بيلمير. يازيق يازيق !!!!
:
قوجا كيشي,
ات,
كله و پاچالار
آلتمیشینجی ایللرین هانسیسا سویوق بیر گونونده مدرسهدن قاییداندا آنامی اوخشاما دئییب، آغلار و قارا گئیینمیش قوجا ننهمی دوداغی دوعالی گؤردوم! گؤی آتیمیز کیشنهییردی و اینکلریمیز آجیندان ملهشیردیلر. آلا باش کؤپکلریمیز موهوم بیر نقطهیه اولاشیردیلار. گوللو تومان گئیینمیش قونشو قادینلار پیچیلداشیردیلار.. بوز «تویوتا»دان ائنن ساققاللی بیریسی داپانی سینمیش قاپیمیزا «ما مرد جنگیم» شعارینی یازیب گئدنده، آنام یئری-گؤیو یامانلامیشدی، جنگ سالانلاری دا...
قونشو کیشی و قادینلاری حورمتله قارشیلادیلار منی. قیچیم دالیمجا گلمیردی. باشیم آغیرلیق ائدیردی. اوخشامالاری دویدوقجا آتامی اؤلر ساندیم و یئتیم اوشاقلار کیمی الیمی قوینوما قویدوم. قوجا ننهم باغرینا باسدی منی و آتامین «شلمچه» آدلی بیر یئره سفره گئتمهسینی و بؤیوک قارداشیمین کوردوستانا گئتمهسینی سؤیلهدی. من کیشییانا و هؤولهسک ایلک اؤنجه آتامین سئودییی آتیمیزی یئملهدیم و سونرا اینکلریمیزی. ایتلریمیز آیاقلاریمین آلتینا سریلدیلر و آغ گؤیرچینلر گؤیه پیرلادیلار. آتام اؤلمهمیشدی، هله اوستهلیک من کیشیلشمیشدیم.
سؤزون سونو
سعید موغانلی
مــزارلیق مــوزئیی
وطـن دالیسینجا بــیـز
سن - سئوگیلی - تـبـریـز
جـمـی-جـومـلَـتـانـی اوچـومـوز
و سکسنینجیلرین سون-او[نـ]جو شعری-[م]
.......................
لـیلــــینین نظامیلییه نه دخلـی وار؟
بویور عاشق اول
آقای عاشیق علسگر بابا
قوشما بویور دوکتور چهگوارا
.....................
سئوگی تزریق اولونمالیدیر بو خالقا
«فـضـولـی ائتمه شاعیر بَـــــــــــــی
وطنیمدیر،
وطنیمدیر،
و تنیمدیر
وطنیم»
بو یامان حالیما نئیچون آغلادین
ایسته میرم یاشلا دولا گوزلرین
باشیین قووزا گوزلرین تیك گوزومه
هئی سوزدورمه ساغا - سولا گوزلرین
منی آتدین دئدین منی آراما
سارماشیق تك قول بوینوما ساراما
ایسته مه دین بو آجییان یاراما
طبیب اولا درمان قیلا گوزلرین
آیریلاندا دئدین منه یوخ سوزوم
تار اولدو باخیشیم پرلندی گوزوم
هوشوم باشدان چیخدی قیریلدی دیزیم
بیر دونوب باخمادی دالا گوزلرین
آیریلیق دردیندن یوخدور بتری
یادلارا قوشولدون گلدی خبری
داها باخیشینین یوخدور اثری
قیسمت بودور یادا قالا گوزلرین
باخیشیندا داها ایلدیریم چاخمیر
بو وورغون اوره یی یاندیریب یاخمیر
گوزلرین گوزومه دریندن باخمیر
ایستك دن سوزآچمیر آلا گورلرین
اؤپوش قوشو اوچوب بال دوداغیندا
سولو آلاو سونوب آل یاناغیندا
بیر جوت اولدوز كیمی آی قاباغیندا
ایشیق ساچمیر داها یولا گوزلرین
چوخ گیزلین ایشلری ((دهداردان))دانیر
یادلاری اوزونه سئوگیلی سانیر
هر یئته نه گولور هاممینی تانیر
ایستردیم تك منیم اولا گوزلرین
ایلقارینی یادا سالا گوزلرین
علیرضا قاسم زاده ((دهدار))
